Mayuh bala kitai ka diau ba nengeri sigi endang asal datai ari rumah panjai...lalu bisi mega sigi udah lama mendam/berumah ba nengeri..
Diau ba nengeri sigi mayuh pemedis/penusah enggau penanggul enti kitai nadai tentu bisi kereja ka menyana tauka begaji besai...kelebih agi penanggul ka bakatu suah ka datai enti kitai nyau udah bisi tanggungjawab baka udah berumahtangga, udah bebeli ka rumah, udah bebeli ka kerita enggau utai bukai. Diau ba nengeri semua utai dikena ngena duit magang, ka makai kemiding, makai paku, makai tubu, semua ngena duit magang tang ba menua tauka ba rumah panjai, semua utai nya pechuma magang..
Udah nurun begiga ka kereja ke nengeri, bisi mega bala kitai muchau laban ka ngasai ka pemedis maya ka begiga ka kereja. Bisi mega siku 2 bala kitai temegah ati enti udah kereja ba nengeri...kabuah?? laban ka minta puji urang bukai, "lawa sanu diatu, nyau gawa/kereja ba nengeri...". Sekumbang aku ka udah bekereja ba nengeri, aku ngasaika mayuh amat penanggul datai..enti maya ka suntuk tauka maya begantung senduk, ka nyingkang ka kaki ke bukai pen pedis, kekadang berunding ka mulai ka diri ke menua.
Kategal ka mayuh penanggul ka datai maya diau ba nengeri, mayuh mega ulah ka nyadi tauka runding kitai pen nyau nyadi charut. Bepun ari nya, bisi siku 2 bala kitai nyau begaga ka ulah ka enda menuku, ambika banding baka ngechuri, ngerumpak, nginsap sereta bejual ka dadah enggau pengawa-pengawa ka bukai..
Nama runding bala kitai pasal utai tu? Kereja ba menua pesisir tauka kereja ba nengeri?
Wednesday, March 25, 2009
Subscribe to:
Post Comments (Atom)
Enda ga semua kitai bansa ka nurun kereja ba sebelah nengeri ngereja pengawa ti enda menuku bro, ya ka juta 6 nya mayuh agi ga kitai bansa menyana pengidup diau kerja di nengeri..
ReplyDeleteJaku nuan nya sigi endang betul bro tang bisi ga siku 2 bala anembiak kitai Iban nurun belelang ke nengeri kategal "terpengaruh" enggau bala bakih. Sida ka nurun ke nengeri pen bedau gerenti bulih kereja, nyau munyi ko sekeda, "nguji ka aja"...
ReplyDeleteDatai ba nengeri nyau bebulan nadai kereja...tu meh lalu ka ngunjong ka bala anembiak nyelai runding lalu ka ngereja pengawa ka enda manah. Bebulan enda kereja, nadai duit kena belanja, tepaksa meh ngiga jalai muntang/mudah/senang ngulih ka duit sepuluh 2..